LFN
a paje xef
Yahoo
grupo
LFN
LFN
wiki
Testos e plu - texts and more.
Presenta
LFN
Aprende LFN a esta ora - learn LFN now!
|
Esemplos
Plu esemplos tu pote trove a nos sistema vici.
La Testo de Babel
1. E la tota tera ia ave un sola lingua e la mesma parolas.
2. E cuando la popla ia parti a la este, los ia trova un plano en la
pais de Xinar e vade abita ala.
3. E los ia dise a se "Veni! Nos va fa brices e va coce los en la
foco!" Los ia usa brices per petra e catran per semento.
4. E los ia dise a se "Veni! Nos va construi un site e un tore con se
testa en la sielo! E nos va fa un nome grande per nos per ce nos no va
es dispersada tra la tota tera!"
5. E Iaue* ia desende per vide la site e la tore ce la popla ia es
construinte.
6. E Iaue ia dise "Vide! Los es un sola poplo e los ave un sola lingua,
e los ia pote fa esta! Esta ora, no cosa ce los tenta fa va es
impedida!
7. "Veni! Nos va desende e nos va confusa se lingua per ce cada un no
va comprende la otra un!"
8. E Iaue ia dispersa los tra la tota tera, e los ia sesa construi la
site.
9. Per esta causa la loca es clamada Babel, per ce Iaue ia confusa la
lingua de la tota tera, e da ala Iaue ia disperse la popla tra la tota
tera.
*Iaue is Yahweh transcribed. Curiously, a name originally given only in
the form of four consonants is here rendered in four vowels! One could
also use Dio (God) or la Senior (Lord).
La Metta Sutta
El ci vole sabe pas,
e ci persegui se bon eser,
el debe es capas e justa,
franca e jentil,
umil e sin vania.
El deve es satisfada
en la vive simple,
no cargada con cosas,
mestre de se sentis,
saja e sin orgulia,
e no aderinte a familia.
El deve no fa la plu poca ata
ce la sajas va condena,
e el espera ce,
en joia e securia,
tota viventes es felis.
El espera ce tota la viventes,
la debil e la forte
la larga e la grande,
la media, corta, e poca,
la vidable e la invidable,
la prosima e la distante,
los ci ia nase e los ci va nase,
omete no un, es felis.
El espera ce no un
engana o depresa
un otra, en alga stato,
ce no un desira,
con colera o malvole,
ce un otra sufri.
Un madre proteje se enfante,
se sola enfante,
con se vive propre:
in esta modo,
con un cor grande,
el deve valua tota vivente.
Radia amar supra tota tera,
supra a la sielo,
e su a la profonda,
a distante inlimitada,
sin odi o malvole.
Stante o paseante,
sedente o reposante,
libre de invelia,
el deve recorda esta.
Esta es la condui suprema.
Per no teni creadas falsa,
con cor pura e envide clara,
librida da tota aderis sental,
el no va nase ance ves en esta mundo.
La Prea de nos Senior
Nos Padre, ci es en sielo:
Tu nome ta es santa.
Tu renia ta veni.
Tu vole ta es fada,
en tera como en sielo.
Dona oji nos pane dial a nos.
Pardona nos ofendes
como nos pardona los ci ofende nos.
No condui nos a tentia,
ma proteje nos de malia.
Amen.
“Eser? O no eser?” da Hamlet,
par
Shakespear
Eser? O no eser?
Esta es la demanda.
Nos pensa: Cual es plu noble?
Sufrir la dardos e la flexas de fortuna nonjustesa?
O se armar contra un mar de menasas,
e per oposa, estingui?
Morir... Dormir... No plu!
E creda ce per dormi,
fini la doles de la cor,
e la mil xocas natural ce la corpo gania --
esta es un completa desirada sela!
Morir... Dormir...
Ai, esta es la problem!
Per ce, en esta dormi de moria,
ce sonias pote veni...
La Declara
Universal de Diretos Umana
Preambul
Considerante ce la reconose de la dinia inerente e la diretos egal e
nonalienable de tota la membros de la familia umana es la funda de
libria, justia, e pas in la mundo,
Considerante ce la desconose e la despresa de la diretos umana ia porta
atas de barbarie ce ofende la consiente de umania, e ce la veni de un
mundo do la esentes umana va es libre per parla e crea e librida de
temia e de miseria, es proclamada como la aspira plu alta de esentes
umana,
Considerante ce es esensal ce la diretos umana es protejeda per un
sistem de diretos, a fin ce no person es forsada, com recurso ultima, a
la rebelia contra tirania e oprimi,
Considerante ce es esensal promove la developa de relates bonvolente
entre nasiones,
Considerante ce en la Carta, la poplas de la Nasiones Unida proclama se
fide en la diretos umana fundal, en la dinia e la valor de la person
umana, en la egalia de diretos de omes e de femas, e ce los ia deside
promove la progresa sosial e leva la cualia de vita con un libria plu
completa,
Considerante ce la statos membros promete securi, en coopera con la
Nasiones Unida, la respeta e la oserva universal de direto umana e
libria fundal,
Considerante ce un conseta comun de esta diretas e librias es la plu
importante per la completa plena de esta promete,
La Asemblea Jeneral
Proclama esta Declara Universal de Diretos Umana como un ideal comun
per tota la poplas e nasiones aspira, a fin ce cada person e cada
organo sosial, con esta Declara en mente constante, va promove la
respeta de esta diretos e librias per ensenia e instrui, per mesuras
progresante, nasional e internasional, e va securi la reconose e aplica
universal e efetente, ambos entra la poplas de la statos membro e entra
la teritorios su se autoria legal.
|